فهد : حمد انا بسافر و اللي يصير يصير
حمد .. قصدي انا : والله فوكرة مش بطاله و نحطهم قدام الامر و الواقع و بدل ما يجلدونا على اشياء تافهه
ننجلد على شي يسوا
فهد: يالله انا بمشي المطار تامر على شي؟
انا: كاااااك طيب لا تتحمس ما بعد حجزت ياللوح و ثاني شي وشو تامر على شي .. موب جاي معك انا يادوب؟
فهد : طيب امش للخطوط و نركب السيكل و هو راكبن وراي .. باقي سطل مويه و تايد و نصير هنود غسيل سيارات
بالخطوط لبقنا السيكل و نزلنا
و درعمنا << للمعلوميه انا دخلت قبله هع
قعد هو و قعدت انا جنبه و ساكتين
سألنا الموظف وش تشربون
فهد:حليب جلكسي ابو ريالين الله يخليك
حمد: اندومي ,
الموظف: وين بتروحون يا شطار
فهد: اوروبا
الموظف: وين باوروبا
فهد : حمد وش عاصمه اوروبا
حمد:اظن ابو ظبي اذا ماني واهم
الموظف : هذا كبركم و ما تعرفون وشهي اوروبا
فهد: لا حنا نعرف اصلا بس انا بختبر ذكاء حمد ابوه موصيني عليه<<بغيت اجلده بس تماسكت باللحظه الاخيره
الموظف: اوروبا قاره يا شباب فيها فرنسا و فيها بريطانيا و فيها سويسرا و دول كثيره
فهد : طيب وش احسن شي فيهم
الموظف: يقهقه بعنف .. امممممم مادري بس انا اروح لفرنسا كثير يمكن تصلح لكم<< ياخذنا على قد عقولنا
فهد: فرنسا فرنسا مو مشكله ولا وشرايك حمد
حمد: وشدراني يابن الحلال اخلص أي شي المهم اووروباااا
فهد: يا موظف احجز لنا كرسيين عند التلفزيون الله يعافيك و جمب الشباك
الموظف : اممممم اشوف
حمد:عندكم سبيس تون بالطياره؟؟؟؟
الموظف: لا
حمد: طيب ابطال الدجتل؟
الموظف:لا يا ابني لا
حمد : طيب الكابتن ماجد ؟؟
الموظف: يادين اللللللللله يا ولد اسكت خلنا نشوف شغلنا
حمد: طيب
فهد(و هو يرشف اخر قطرات الحليب):رهيب جلكسيكم بجيكم كل يوم
الموظف : حياك الله هات الفلوس الله يرضى عليك
فهد:خذ هالبطاقه و خذ اللي تبونه و هاتو الباقي<< لا يخفى عليكم ان فهد زرف بطاقه الفيزا حقت ابوه و نفس الحكايه مع الجوازات انا وياه
الموظف: خلاص كل شي تمام توكلو على الله طيارتكم يوم السبت الجاي الساعه 5 فجر
فهد يلم حمد و يقوله: ما تدري وشكثر انا فرحانن بهالسفره
حمد:والله انا مستانس اكثر منك (ولا زال العناق مستمرا)
الموظف:ماودكم تمشون؟؟؟
فهد:طيب خلاص يالله باي
حمد:تبي اجيبلك شي من اووروبا ؟؟
الموظف: سلامتك و مشكورين على استخدامكم الخطوط الجويه السعوديه نرجو ان نقدر على حسن الضيافه
حمد: لا عادي
و نطلع و حنانغرد و نغني و نطامر و نسحب جلنطات بالسيكل
و فهد يقولي مصدق اننا بنسافر اوروبا
حمد:أي عادي اصلا حنا كل سنه نسافر<ابوك يالنصبات الأليمه
فهد:اقول انثبر بس والله ماقد عديت الحكير لاند<< الواقع المرير
و تدعس الايام كم يوم و يجي يوم الجمعه بالليل
و نتفق انا و فهد لما ينامون ابهاتنا نطلع << و ربي حلوه ابهاتنا
و يخمدون ..
و تجي الساعه وحده
و نتلاقى عند البراده << خخخخخخخ
و كلن معه شنطه وشكبرها
و القى فهد معه كيس فيه كاسيت و فصفص
قلتله وشوله الكاسيت؟؟
قالي: علشان لا منا ركبنا تكسي هناك نشغلهم
قلتله: الله يخلف عليك و ربي مو شايف نعمه خلهم ورا البراده و نرجعلها بعد ما نرجع و المشكله كلها كسرات و محمد سليم
قالي: طيب ( و يلف لفتين حول نفسه) شرايك بملابسي
قلتله: انا احسن منك اصلا
(و كلنا ماخذين خلاقين ابهاتنا ايام شهر العسل)
و نوقف تكسي و نقوله رح للمطار (راكبين ثنينا قدام )
وصلنا للمطار الرحلات الدوليه
و بعد أسئله و بحث متعوبن عليه وصلنا للكاونتر
فهد:بالله عليك حنا بنروح اوروبا و هذي تذاكرنا شنسوي
الموظف: طيب خلك معي دقيقه ..
الموظف: وين ابوك يا شاطر ...( مع ابتسامتن شاقتن وجهه)
فهد:ابوي تسبير بالعمر جالس هناك
الموظف:ماشالله ونتو كم مره رحتو لفرنسا
فهد: والله بصراحه(تكّى على الطاوله و اخذ راحته ) انا ماحب اكذب على الناس هذي يمكن المره السبعطعش
الموظف:ونت كم عمرك يا شاطر
فهد: 15
الموظف:و سبعطعش كيف تجي ذي
فهد: أي احم لا والــ....
قاطعته انا: لا هو داخل المدرسه متأخر علشان كذا <<< يقالك يكحلها عماها
الموظف: طيب خذو البوردنج و رحله موفقه
و بعد ما درنا المطار كله وصلنا للطياره و ركبنا
وصلنا للمقاعد و تضاربنا على المقعد اللي جنب الشباك طربق طربق طربق
لين جت ذيك المضيفه اللبنانيه اللي تفك الجبهه من حلاها
المضيفه:شو بكون واين امكون و بيكون ( المترجم الفوري: شفيكم وين امكم و ابوكم)
فهد:ابوي بالحمام
حمد:و امي نسيناها بالمطار<< حسم الموضوع
واخر شي اتفقنا ان هو يقعد الحين جمب الشباك و انا بالرجعه
مرت ربع ساعه
شوي ولا تجي وحده طلققققققققة تهممممممممممبل و تجلس جمبي << هلااااااا والللللللللله
فهد:اقول حمد انا مابي اقعد جمب الشباك لا بالروحه ولا بالرجعه تبادل؟
حمد:لا خلاص ما في تغيير راي
البنت التفت علينا و قهقهت
لحظات سكوت ..
فهد يهمس : حمد تكلم ما يصير تتبرطم
حمد:احم أي اجل الاخت من وين
البنت:نعم؟
حمد:لا اقصد يعني وشسمك
البنت:نعم؟
حمد:قصدي يعني .. خلاص ولا شي
البنت:وشفيك؟
حمد:ما فيني شي
البنت:وشسمك انت
فهد:انا حمد
حمد: انا فهد
فهد:قصدي انا فهد
حمد:أي و انا حمد
ضحكت.. ابوك يالضحكه ما عمري شفت وحده تضحك زيها متعود على شخير الوالد و صراخ الوالدةk
قالت كم عمركم طيب
انا : 15 و نص
فهد:15
قالت اها يعني انت اكبر
انا: أي يعني انا اذا قلتله جبلي مويه يجيبلي عادي<< بينجلد
فهد:اوريك اللي يجيبلك مويه ,,
حمد:لا خلاص خلاص
البنت: طيب وين امكم .. ابوكم
انا: والله ابوي و امي قالولنا روحو ادرسو انجليزي احسنلكم من التنبيط بخلق الله
البنت: وش تنبيطه.. ؟؟
فهد: يعني نفقش بيض بسيارات التكاسي زي كذا<<< انواع السوابق مع التكاسي
البنت:هااااااااهاااااااااااااا ااااااي يا دلبي عليكم تهبلون انتو فيري كول
انا: اخ يا قلبي (مع اني ما فهمت شي)
البنت:وشو
انا:لا ولاشي
و تمر لحظات و يخمد فهد
و التفت عالبنيه شفتها ساكته و سانده راسها على الكرسي<< لازم نحرك الجو شوي خخخخخ
قلتلها: انتي شوداك لفرنسا لحالك عادي اهلك ما يقولون شي؟<<ابوك ياللقافه
قالت لا انا اهلي هناك و انا خلصت تقديم على جامعه و لاحقتهم
قلتلها: اها طيب
قالت: و انتو وشوله رايحين
قلتلها: والله حنا بصراحه رايحين لحالنا و اهلنا ما يدرون<<< ذكرتني بعواقب الجريمه
قالتلي: لا تكذب علي قل الجد انت رجال وشكبرك تكذب؟؟
قلتلها: ايوالله جعلي اموت
قالت: منتو صاحين و الله حراااااام الحين امكم شتقول بتبببببببببكي كثييييييير يا الللللله الله يعينكم من ربي
قلتلها: لا بس انا حطيت رساله تحت مخدتها ان حنا سوف نرحل كم يوم و نرجع<< يسمع بالتعبير
قالت: طيب كيف بتجلسون هناك تعرفون احد فيه ناس يقربونلكم؟
قلتلها: لاوالله بس اعرف فهيدان ذا اللي جمبي
قالت:طيب مافيه الا تجون معي تجلسون عندنا تنبسطون
قلتلها:لا امي ما ترضى<<< لاتعليق!!
قالت:لاعادي انتو توكم صغار وين بتروحون و على فكره ترا عندي اخت صغيره كبركم ****لله تنبسطون معها << اغرااااااااااااااااااااااااااا ء
انا:حلوه يعني؟
هي:نعم؟؟
انا:احم لا سلامتك !!
و يمشي الوقت و بعد ساعات وصلنا
سألتنا وين جوازاتكم قلتلها مع فهد
مدت يدها تبي تصحي فهد
البنت:فهودي اصحى
انا:مين فهودي؟؟
البنت:ليش .. وشسمه هو؟
انا:فهد
البنت: فهودي اسم دلع لفهد !!
انا:اها
فهد:هاااااااااااااااه خلوني انااااااام كل يوم مدرسة كل يوم مدرسة
البنت:فهد قووووم عااااد يالله وصلنا
و بعد عناء و شقاء مصعنا فهد من الكرسي
البنت: وين الجوازات ؟
فهد(يحك راسه): هذوليهم
البنت اخذت الجوازات و حنا نمشي وراها تقل تيوس
و نزلنا للمطار ..
و ختموا الجوازات و طلعنا برا
فهد:ياخي برد عندكم
البنت:أي علشان كذا حنا نجي كل سنه
فهد:اهاااا
شوي ولا تجي ذيتس السياره يا خبر ابيض
و ركبنا ذيتس الفياقرا اللي تفك الجبهة
و ركبنا كالعاده انا و فهد قدام فاقين خشتنا
المصيبه ان فهد جمب القير
فهد : سديق هاذي سياره كم تمشي
السواق:بردون؟؟؟
فهد: حمد بردون يعني كم بالسعودي
حمد:مادري بس اظن 180 << سرعه الددسن
البنت:فهودي خل الرجال يسوق لا نصدم
فهد:طيب
وصلنا القصر
اويلي ويلااااااااااااااااااااااه
السبت مايو 17, 2008 11:52 am